Qondarma Donetsk Xalq Respublikasının rəhbərliyi daimi ordunun yaradıldığını və səfərbərlik elan olunduğunu elan ediblər.

Axar.az xəbər verir ki, bu barədə ukraynalı hərbi ekspert Dmitri Tımçuk özünün Feysbuk səhifəsində məlumat verib.

"Donetsk rayonunda rus hərbçiləri və separatçıların qüvvələrinin konsentrasiyası davam edir. Sutka ərzində Snejnoe rayonundan Donetsk istiqamətinə üzərində heç bir nişanı olmayan onlarla zirehli texnika, o cümlədən 50-yə yaxın tank hərəkət edib", - ekspert deyib.

Onun sözlərinə görə, İqor Bezlerin komandanlığı altındakı Qorlovkada iki artilleriya batareyası da gücləndirilib.