Fövqəladə Hallar Nazirliyi Dövlət Yanğından Mühafizə Xidməti Şabran rayon Dövlət Yanğından Mühafizə Hissəsinin yeni inzibati binasının açılışı olub.

Teleqraf.com xəbər verir ki, Azərbaycan Respublikası fövqəladə hallar nazirinin müavini general-leytenant Etibar Mirzəyev ən yüksək standartlara cavab verən müasir avadanlıqlarla təchiz olunmuş binanın rəmzi açılışını bildirən qırmızı lenti kəsib.

İnzibati binada şəxsi heyətin fəaliyyəti üçün hər cür şərait yaradılmışdır. Burada dispetçer, tədris və istirahət otaqları, yeməkxana ilə yanaşı, Azərbaycan xalqının ümummilli lideri Heydər Əliyevin həyat və fəaliyyətini əks etdirən fotostend təşkil edilib.