"Avtovağzal-Memar Əcəmi-2" stansiyaları üçün 15 vaqon gətiriləcək.

Axar.az-a bu məlumatı "Bakı Metropoliteni" QSC-nin mətbuat xidməti və ictimaiyyətlə əlaqələr şöbəsinin rəisi Nəsimi Paşayev verib.

Sərnişinləri narahat edən qiymət məsələsinə də aydınlıq gətirən Nəsimi bəy bildirdi ki, yeni vaqonlar gətirilsə də, hələlik qiymət dəyişikliyi gözlənilmir:

"İlkin olaraq "Avtovağzal-Memar Əcəmi-2" stansiyaları üçün 15 vaqon gətiriləcək, stansiya açılanda ilk o qatarlar hərəkət edəcək".

Xatırladaq ki, 2015-ci ildə təhvil veriləcək yeni Bənövşəyi xətdə "Avtovağzal-Memar Əcəmi-2" stansiyaları arasında 5 vaqondan ibarət 3 qatarın məkik hərəkət qrafiki üzrə hərəkətin təşkili nəzərdə tutulur. Bunun üçün "Alstom" və Rusiya Federasiyasının müştərək istehsal etdiyi 81-760-761A tipli vaqonların (təqdim olunan fotolardan görünür ki, bu tipli vaqonlardan bir-birinə birbaşa keçid imkanı nəzərdə tutulub - red.) alınması nəzərdə tutulub.