İspaniyada doğulmuş Tereza Valkarze Kapitoli binasının böyük zalında Amerika inqilabının görkəmli xadimi, ispan Bernard de Qalvesin portretinin asılmasına nail olub.

Axar.az RİA Novostiyə istinadla xəbər verir ki, ABŞ Konqresi bunu düz 231 il əvvəl vəd etmişdi.

Qalves XVIII əsrdə Amerika inqilabı illərində müstəqillik əldə edən müstəmləkələrin britaniyalılardan müdafiəsində vuruşaraq şöhrət qazanmışdı. Hökumət Qalvesə minnətdarlığını bildirərək onu milli qəhrəman elan etmiş və hökumət binasında portretinin asılacağına söz vermişdi. Bu əhvalatı əvvəllər İspaniyada yaşamış Valkarzeyə anası danışmışdı. Qadın Konqresin vədini rəsmi şəkildə xatırladıb və ədalətin bərqərar edilməsinə nail olub.

Qeyd edək ki, Bernardo de Qalves hərbi lider, Luizianada və Kubada müstəmləkə inzibatçısı idi. O, Şimali Amerikanın 13 müstəmləkəsinin Britaniyaya qarşı mübarizəsində iştirak edib. Qalvesin hərbi uğurları sırasında 1781-ci ildə Pensakolan mühasirəsini və Floridanın zəbtini qeyd etmək olar. Texas ştatı sahillərindəki Qalveston adaları Qalvesin şərəfinə adlandırılıb.