"Mənə tapşırılan vəzifə İŞİD-dir".

Axar.az xəbər verir ki, bu sözləri ABŞ Baş Qərargah rəhbəri Martin Dempsi deyib.

Dempsi onun vəzifəsinin bir millətin yenidən dirçəldilməsi və ya Suriya rejimini devirmək olmadığını qeyd edib.

Dempsi Vaşinqtonda iştirak etdiyi konfransda İraq və İŞİD-lə bağlı danışıb:

"İraqlı liderlərlə görüşdüm və bundan böyük cəsarət aldım. Yeni liderlər daha düşüncəli və ölkədəki bütün elementlərin güclənməsi istiqamətində siyasi iş aparılır".

İraq təhlükəsizlik qüvvələrinin İŞİD-dən torpaqlarını geri almağa başladığını xatırladan Dempsi, ancaq ölkə daxilində köç edənlərin yurdlarına qayıtmasını təmin etməyə yönəlmiş planın ləng aparıldığını vurğulayıb.