Ana səhifə Planet |
İsrail əsgərləri Qüdsün Əbu Deys bölgəsində keçirilən aksiyanı dağıtmaq üçün həqiqi güllədən və gözyaşardıcı qazdan istifadə edib.
Axar.az Anadolu Agentliyinə istinadən xəbər verir ki, əsgərlər aksiyanı dağıtmaq istəyərkən 8 fələstinlini yaralayıb.
Fəth Hərəkatının Qüds sözçüsü Ənvər Bədrin verdiyi məlumata görə, İsrail əsgərləri ilə nümayiş keçirmək istəyən gənclər arasında gərginlik yaşanıb: "İsrail əsgərlərinin fələstinli gəncləri sakitləşdirmək üçün həqiqi güllə və gözyaşardıcı qazdan istifadə etməsi nəticəsində 8 nəfər yaralanıb, 7 nəfər qazdan zəhərlənib".
Sözçü eyni zamanda İsrail əsgərlərinin hal-hazırda da həmin bölgədəki evlərə basqın edərək aksiyaya çıxan gəncləri nəzarətə götürdüklərini bildirib.
Xatırladaq ki, İsrail əsgərlərinin 1967-ci ildən bəri ilk dəfə Əl Əqsa məscidinə girməsindən sonra noyabrın 18-də fələstinlilərin qərbi Qüdsdə bir sinaqoqa hücumunda 5 İsrail əsgərinin ölməsi gərginliyi daha da artırıb.
Tarix
2014.11.21 / 10:46
|
Müəllif
Nilufər Muğantürk
|