ABŞ İraq Kürd Muxtar Vilayətinə silah verilməsini artırmaq niyyətindədir.

Axar.az xəbər verir ki, Konqresdə kürdlərə hərbi yardımla bağlı yeni qanun layihəsi müzakirəyə çıxarılıb.

Qanun layihəsində hərbi yardımın göstərilməsində Bağdaddan icazə almağa gərək olmadığı vurğulanıb. Layihə çərçivəsində kürdlər tank əleyhinə silahlar, uzaq məsafəni vura bilən artilleriya qurğuları, naviqasiya sistemləri və digər ağır texnikalar alacaq.

Qeyd edək ki, peşmərgə bu ilin avqustundan etibarən Mərkəzi Kəşfiyyat İdarəsinin məxfi proqramı əsasında hərbi yardım alır. Ekspertlər kürdlərin bu tərzdə sürətlə silahlanmasının bölgə üçün təhlükəli olduğunu deyirlər. Onlar bu cür silahlanmanın gələcəkdə müstəqil kürd dövlətinin yaranmasına, həmçinin Türkiyənin cənub şərqində kürdlərin aktivliyinin artmasına səbəb olacağını bildirirlər.

Onu da xatırladaq ki, Konqresin Nümayəndələr Palatası artıq məsələ ilə ağlı Obama administrasiyasına səlahiyyət verib. Hazırda məsələnin Konqresdə təsdiqlənməsi nəzərdə tutulur.