Suriya Prezidenti Bəşər Əsəd İŞİD-i məhv etmək üçün beynəlxalq əməkdaşlığın vacib olduğunu bildirib.

Axar.az Hurriyet.com-a istinadən xəbər verir ki, BƏƏS partiyasının yığıncağında çıxış edən prezident bu fikirləri İŞİD-ə qarşı Əsədlə ittifaq yaratmayacaqlarını deyən ABŞ Prezidenti Barak Obamanın sözlərindən sonra deyib.

SANA-nın xəbərinə görə, Prezident çıxışında belə deyib: "Bölgəmiz çətin vəziyyətdədir. Sonunda vəziyyətin necə olacağı səmimi beynəlxalq əməkdaşlığın olub-olmayacağından asılıdır. İŞİD kimi terrorist qruplar yoxdan var olmayıb, Suriyaya müharibə elan edənlərin yanlış və təcavüzkar siyasətlərinin meyvəsi olaraq doğulub".