Yeni "Soobrazitelnıy" və "Strequşiy" korvetləri (üçdorlu hərb gəmisi), həmçinin "Р-257" raket kateri Kalininqrad vilayəti Baltik donanmasının dəniz poliqonlarındakı təlimlərin gedişində suüstü və hava hədəflərinə raket və artilleriya atəşləri yerinə yetiriblər.

Axar.az RİA Novosti-yə istinadla bildirir ki, bu barədə Baltik dənizi donanması mətbuat xidmətindən məlumat veriblər.

"Donanmanın hərbi hazırlıq planına müvafiq olaraq Baltik dənizinin akvaməkanında yerləşən poliqonlarda donanmanın gəmiləri hərb gəmilərinə və şərti rəqibin hava hücumu vasitələrinə imitasiya edilmiş hədəflər üzrə raket və artillleriya atəşlərini yerinə yetiriblər", – deyə məlumatda bildirilir.

"Soobrazitelnıy" və "Strequşiy" korvetlərinin ekipajları müxtəlif hədəflər üzrə kompleks artilleriya atəşləri həyata keçiriblər. Korvetlər hava hücumlarında müdafiə və kiçik ölçülü hədəflərin hücumlarının əks olunması üzrə döyüş elementlərini işləyib hazrlayıblar, yerli manevretməyə, gəmilər arasında əlaqə və qarşılıqlı fəaliyyətə dair tapşırıqları yerinbə yetiriblər.

Təcrübi atəşlər 100 və 30 millimetrlik artilleriya kompleksləri vasitəsilə həyata keçirilib.