Ukraynada səfərdə olan ABŞ vitse-prezidenti Cozef Bayden maraqlı bəyanatları ilə yadda qalıb.

Axar.az xəbər verir ki, 72 yaşlı Bayden Ukraynanın şərqində vəziyyətin gərginləşəcəyi təqdirdə Rusiyanın böyük öıçüdə cavab verəcəyini deyib.

ABŞ-ın 47-ci vitse-prezidenti olan Bayden Rusiyanı Ukraynanın ərazi bütövlüyünə hörmət etməməkdə ittiham edib:

"Ukraynanın şərqində vəziyyət gərginləşərsə, Rusiya bunun böyük hesabını verəcək. Beynəlxalq ictimaiyyət sanksiyalar vasitəsi ilə bu ölkəyə təzyiq etməyə çalışır. Rusiya ilk növbədə Ukraynanın ərazi bütövlüyünə hörmət etməlidir. Bundan sonra sanksiyalar aradan qalxa bilər. Ancaq hələ ki, biz bunu hiss etmirik".

Rusiyanın öhdəlikləri yerinə yetirmək əvəzinə daha çox təxribata meylləndiyini deyən Bayden bu ölkənin Minsk sövdələşməsini yerinə yetirmədiyini bildirib:

"Rusiya canlı qüvvəsini və silahlarını Ukraynadan çıxartmalıdır".

Daha sonra Bayden Prezident Pyotr Poroşenkoya ölkəsinin hər zaman Ukraynaya yardım edəcəyi vədini verib.