Ana səhifə Planet |
ABŞ-ın vitse-prezidenti Cozef Bayden təxminən 2 saat əvvəl Türkiyəyə gəlib.
Axar.az xəbər verir ki, Bayden təyyarədən endikdən sonra onu Atatürk hava limanında qarşılayan Türkiyə Baş naziri Əhməd Davudoğlu ilə jurnalistlərin suallarını cavablandırıb. Bayden mətbuat konfransında maraqlı açıqlama ilə yadda qalıb:
"Sonuncu dəfə Davudoğlunu görəndə o, Xarici İşlər naziri idi. İndi isə bir pillə yuxarı vəzifəyə yüksəlib. Amma mən hələ də vitse-prezidentəm. Bu barədə ondan dərs almalıyam".
Davudoğlu ilə yaxın dostluğunu vurğulayan Bayden Türkiyəyə səfərindən məmnun olduğunu deyib:
"Uzun zamandır bir-birimizi tanıyırıq və çox uzun zamandan bəri
dostuq. Həm dost, həm NATO müttəfiqi Türkiyədə olduğum üçün çox
xoşbəxtəm. Bosniya və Kosovada ortaq işlərimizi xatırlayıram. Bir
çox mövzuda, eyni zamanda, çətin mövzularda birlikdə çalışdıq.
Hərbi əməkdaşlığımız çox güclüdür və bir-birimizə
güvənirik".
Xatırladaq ki, bu ilin oktyabrın əvvəlində Co Bayden qalmaqallı iddia ilə gündəmə gəlmişdi. O, Türkiyə hökumətini İŞİD terror qruplaşmasına dəstək verməkdə günahlandırsa da, sonradan Prezident Ərdoğandan üzr istəməsi müzakirə mövzusu oldu.
Tarix
2014.11.22 / 00:24
|
Müəllif
Pərviz Həsənov
|