Ana səhifə Planet |
Türkiyənin 11-ci Prezidenti Abdullah Gül Ərdoğan haqqında yayılan xəbərlərin əsassız olduğunu açıqlayıb.
Axar.az xəbər verir ki, eks prezident İran dövlət televiziyası Press TV-nin ingilisdilli internet səhifəsində yer alan "Türkiyə Ərdoğan rəhbərliyi altında uğursuzluğa məhkumdur" başlıqlı xəbərdə onun fikirləri kimi səslənən iddialar tamamilə əsassız və yalandır.
Eks-prezidentin mətbuat xidmətinin verdiyi məlumata görə, Gül ona aid olan ifadələrin tamamilə uydurma olduğunu deyib: "Mən belə bir müsahibə verməmişəm. Bu xəbərdə yer alan sözlər mənim düşüncələrimə uyğun deyil".
Xatırladaq ki, İranın rəsmi televiziya kanalının internet səhifəsində yer alan xəbərə görə, Gül Prezident Ərdoğanın Suriya və İraq məsələlərində bəzi yanlışlıqlara yol verdiyini deyib. Eyni zamanda Gül Ərdoğanın yürütdüyü siyasəti tənqid edərək, Milli Təhlükəsizlik İdarəsi (MİT) ilə İŞİD arasında qarşılıqlı əməkdaşlığın olduğunu etiraf edib.
Tarix
2014.11.22 / 11:56
|
Müəllif
Şəmsəddin Ənsar
|