Ana səhifə Kult |
Məşhur türk aktyoru Kadir İnanır qonaq olduğu bir verilişdə Türkiyə Prezidenti Rəcəb Tayyib Ərdoğandan incik olduğunu deyib.
Axar.az xəbər verir ki, aktyor prezidentin bir neçə gün öncə çıxış etdiyi bir toplantıda Əhməd Qaya mövzusunda səsləndirdiyi fikirlərə görə inciyib.
Kadir İnanır belə deyib: "Mənə qardaş deyən adamdı, amma keçən dəfəki çıxışına görə bir az incidim. Əhməd Qaya məsələsində. Dediyi adamlar arasında mən olmamışam. Əhməd Qaya sevgisini bu ölkədə mənim qədər heç kim uca tuta bilməz, haqlarını heç kim mənim kimi müdafiə edə bilməz. O hər yazdığı mahnını birinci gəlib mənə oxuyardı. Bu cür sevdiyim adamdı. Mən "o hadisə vaxtı orada yoxdum, görməmişəm", - dedim. "Orada idiniz" deyə, kobud şəkildə cavab verdi. Təbii ki, buna eyni cür cavab vermək mənə yaraşmazdı. Buna görə incimişəm. Şəxsən, təbii ki".
Xatırladaq ki, keçən ilin bu vaxtları AKP qrup toplantısında çıxış edən Türkiyənin o vaxtkı Baş naziri Rəcəb Tayyib Ərdoğan bu sözləri demişdi: "Gəzi parkı hadisələrini kim edibsə, Əhməd Qayaya da onlar hücum etmişdi. O gün Əhməd Qayaya hücum edən sənətçilərin bir hissəsi indi "mən tualetdəydim, bir hissəsi çöldəydim" deyir. Səmimi olun. Kim olduğunuz hamıya məlumdur. Bu milləti aldada bilməzsiniz. Hamınız ordaydınız. Videolarda da görürük".
Tarix
2014.11.22 / 19:30
|
Müəllif
Nilufər Muğantürk
|