Ana səhifə İdman |
Bu gün Çempionlar Liqasında V turun son oyunları keçiriləcək.
Axar.az xəbər verir ki, ilk oyun günündə olduğu kimi, bu gecə də 8 qarşılaşma baş tutacaq.
A qrupunda 6 xalla ikinci pillədə qərarlaşan "Yuventus" İsveçdə qrup sonuncusu "Malmö"nün qonağı olacaq. Qrup lideri Madridin "Atletiko" klubu isə doğma meydanda Yunanıstanın "Olimpiakos"unu qəbul edəcək.
B qrupunda heç kimin gözləmədiyi halda baxımlı oyun sərgiləyən İsveçrənin "Bazel" klubu doğma meydanda qrupda maksimum xal toplayan "Real Madrid" ilə qarşılaşacaq. Çempionatın sürpriz komandalarından sayılan "Ludoqorets" isə doğma meydanda İngiltərənin "Liverpul" komandası ilə qarşı-qarşıya gələcək.
C qrupunda yer alan Rusiyanın "Zenit"i "Benfika"nı, "Bayer Leverkuzen" isə "Monako"nu qəbul edəcək.
Azərbaycanlı azarkeşlərin səbirsizliklə gözlədiyi oyun D qrupundadır. Belçikanın "Anderlext" klubunun qonağı olan Türkiyənin "Qalatasaray" klubu oyundan maksimum nəticə ilə ayrılmağa çalışacaq.
Günün mərkəzi oyunu isə Almaniyanın Dortmund şəhərində reallaşacaq. Burada "Borussiya" İngiltərə "Arsenal"ını sınağa çəkəcək.
A qrupu
23:45. "Malmö" (İsveç) - "Yuventus" (İtaliya)
23:45. "Atletiko" (Madrid, İspaniya) - "Olimpiakos" (Yunanıstan)
B qrupu
23:45. "Bazel" (İsveçrə) - "Real" (Madrid, İspaniya)
23:45. "Ludoqorets" (Bolqarıstan) - "Liverpul" (İngiltərə)
C qrupu
21:00. "Zenit" (Rusiya) - "Benfika" (Portuqaliya)
23:45. "Bayer" (Leverkuzen, Almaniya) - "Monako" (Fransa)
D qrupu
23:45. "Anderlext" (Belçika) - "Qalatasaray" (Türkiyə)
23:45. "Borussiya" (Dortmund, Almaniya) - "Arsenal" (İngiltərə)
Tarix
2014.11.26 / 10:30
|
Müəllif
Şəmsəddin Ənsar
|