Ana səhifə Gündəm |
Azərbaycanda intiharların simvolik iki məkanı var.
Axar.az xəbər verir ki, canına qıymaq istəyənlər üçün ənənəvi "dar ağacı" kimi Qız qalası və "Koroğlu" metrosu yanındakı körpü edam kürsüsünə çevrilib.
Noyabrın 26-sı gecə saatlarında asma körpüdə növbəti intihara cəhd hadisəsi nə ilk, nə də ehtimal ki, sondur. Bundan əvvəl də bir neçə də körpüdə intihar və və özünü öldürməyə cəhd olub. Millət vəkili Qənirə Paşayeva son intihara cəhdin birində imdada yetişib.
Ötən gün isə 1990-cı il təvəllüdlü Şahmarov Şəhriyar özünü öldürmək istəyib.
Bir neçə gün əvvəl isə Qız qalasında intihar olub. Artıq azərbaycanlı gənclər filmlərdə, romanlarda olduğu kimi ölümün növündən əlavə, simvolik məkanını da təyin ediblər. Qız qalası və asma körpü intiharlar yuvasına çevrilib.
Dünya praktikasında da kifayət qədər anoloji halların yaşandığı "intihar körpü"ləri var. Onlardan ən məşhuru San-Fransiskoda yerləşən Qızıl körpüdür ki, orta hesabla hər iki həftədən bir həmin körpüdə kim isə həyatı ilə vidalaşır. Türkiyədə bir vaxtlar "intiharlar körpüsü" kimi ad çıxaran Bosfor körpüsündə hazırda intiharların sayını azaltmaq üçün piyadaların gedişinə qadağa qoyulub.
Tarix
2014.11.27 / 01:26
|
Müəllif
Emin Aslanlı
|