Ana səhifə |
Bir ildir məzarı bərbad vəziyyətə düşən şəhidin qəbir daşını düzəldən tapılmır.
Axar.az xəbər verir ki, İmişli rayonundakı Şəhidlər Xiyabanında bəzi şəhid qəbirləri pis vəziyyətdədir. Baxımsızlıqdan dağılan qəbir daşlarının bərpasına isə nəzarət edən yoxdur. Sakinlərin verdiyi məlumata görə, Şəhidlər Xiyabanında hətta elə qəbirlər var ki, məzarın kimə aid olduğu belə bilinmir.
Sakinlər baxımsız vəziyyətdə olan Şəhidlər Xiyabanında məzarların pis vəziyyətdə olması və təmir edilməsi ilə bağlı İmişli Rayon İcra Hakimiyyətinə dəfələrlə müraciət etsələr də, heç bir addım atılmadığını iddia edirlər. Sakinlər deyir ki, məzarı öz hesablarına düzəltdirmək də istəyiblər. Lakin məzarın hansı şəhidə aid olması ilə bağlı heç bir məlumat yoxdur. Hətta İcra Hakimiyyətindən də dağılmış və baş dağı qopub tökülən məzarın hansı şəhidə aid olduğunu bilmirlər.
Məsələ ilə bağlı İmişli rayon İcra Hakimiyyəti ilə əlaqə saxlamağa çalışırıq.
Tarix
2014.11.27 / 15:00
|
Müəllif
Nigar İxtiyarqızı
|