Ana səhifə Planet |
Rusiya Prezidenti Vladimir Putin Suriyanın Xarici İşlər naziri Vəlid Muallim ilə görüşüb.
Axar.az xəbər verir ki, Soçidə keçirilən görüşdə sonra Rusiyanın Xarici İşlər naziri Sergey Lavrov və həmkarı Vəlid Muallim birgə mətbuat konfransı keçirib.
Putinin Suriya ilə əlaqələri inkişaf etdirmək niyyətində olduğunu deyən Lavrov bundan sonra ölkəsinin Suriyaya dəstəyi davam etdirəcəyini deyib: "Terror əməliyyatlarını bəhanə edərək Suriyada Əsəd rejimini devirməyə qarşıyıq və bu istiqamətdəki cəhdləri qınayırıq. Cenevrədə 50 dövlətin, minlərlə mətbuat mənsubunun iştirakı ilə yeni bir konfrans gözlənilirsə, belə bir konfrans olmayacaq".
"İnterfaks"ın məlumatına görə, suriyalı diplomat da öz növbəsində Putinlə görüşündə hər iki ölkənin terrora qarşı mübarizə və strateji ortaqlığı gücləndirmək məqsədi ilə əlaqələri inkişaf etdirmək niyyətində olduğunu bildirib. Onun sözlərinə görə, rəsmi Dəməşqin icazəsi olmadan ABŞ-ın ölkəyə terrora qarşı mübarizə aparmaq adı ilə soxulması beynəlxalq hüquqa ziddir.
Tarix
2014.11.27 / 17:38
|
Müəllif
Şəmsəddin Ənsar
|