Suriyada davam edən müharibədə yaralanan Bəşər Əsəd əsgərlərinin orqanlarının rejim daxilində olan bəzi adamlara satıldığı barədə iddialar səsləndirilir.

Axar.az xəbər verir ki, müxaliflərə yaxınlığı ilə bilinən "Eldorar" saytının yaydığı məlumatda müxaliflərlə baş verən toqquşmalarda yaralanan bəzi şəbbihaların orqanlarının aralarında Əsədin əmisi oğlunun da olduğu şəxslərə satıldığı bildirilir.

Rejim qüvvələrinin Munzər Əsəd və Bəhcət Kənan adlı şəxslərə sui-qəsd təşkil edərək öldürdüyü açıqlanıb. Dəməşqdə yerləşən 601 saylı xəstəxanadan alınan orqanlar livanlı iş adamına satılır. Hadisə Suriyanın sahil zonası Tartusta baş verib.

Bir qrup rejim əsgərinin Munzər Əsəd və Bəhcət Kənanın adı açıqlanmayan livanlı bir iş adamına orqanları satmaq üçün iclas keçirdiyi vaxt ürəklərinə dəmir şiş salınaraq edam edildiyi qeyd edilib.

Medianın bildirdiyinə görə, rejimi çətin vəziyyətə saldığı üçün Əsədə bağlı kəşfiyyat adamları tərəfindən bu sui-qəsdin həyata keçirildiyi vurğulanıb.