Ana səhifə Sağlıq |
Azərbaycan Respublikasının Prezidenti yanında Bilik Fondunun növbəti "Fikir şənbəsi" klubunun qonağı Azərbaycan Tibb Universitetinin nevrologiya və tibbi genetika fakültəsinin dosenti, İnsultla Milli Mübarizə Assosiasiyasının (İMMA) sədri Dilarə Mahmudova olub.
Axar.az xəbər verir ki, müxtəlif universitetlərin tələbələrinin iştirak etdiyi görüşdə "Beyin və beyindaxili funksiyalara müasir baxış" mövzusunda müzakirələr aparılıb.
İMMA-nın sədri beyin xəstəliklərinin qarşısının alınmasının üsullarından danışıb, vacib profilaktik tədbirləri sadalayıb, dərmansız müalicə metodlarından bəhs edib.
Tələbələrin suallarını cavablandıran D.Mahmudova deyib ki, insan öz orqanizmini dəqiq öyrənib tanıya bilsə, xəstəliklərdən uzaq ola bilər.
Xəstəliklərlə dərmansız mübarizə üsullarını əks etdirən slayd nümayişindən əvvəl və sonra həkim tələbələr arasında sorğu keçirib. Sorğunun nəticələrindən belə məlum olub ki, insanlar öz orqanizminin tələbatı barədə az və yanlış informasiyalara malikdirlər. D.Mahmudova auditoriyanın tibbi biliklərini zənginləşdirmək məqsədi ilə onları mütəmadi treninqlərə dəvət edib.
Tarix
2014.11.29 / 16:04
|
Müəllif
Axar.az
|