Rusiya Prezidenti Vladimir Putin mətbuat konfransında Rusiyanın bütün problemlərində yenidən Qərbi ittiham edəcək.

Axar.az xəbər verir ki, bunu Rusiya Federasiyasının keçmiş Baş naziri Mixail Kasyanov söyləyib. O, vətəndaşların Rusiya hökumətinə qarşı inamının itdiyini deyib:

"Putin əsas düşmənlərinin Amerika və Qərb olduğunu təsbit edib. Ona görə də o, fikrindən dönən deyil və heç bir istefa da baş verməyəcək. Bunun da nəticəsində hər kəs Putinin günahkar olduğunu biləcək. Son günlərdə hökumətə güvən onsuz da itib. Xüsusilə, valyuta kursunun önəm daşıdığı iri şəhərlərdə hökumətə inam tamamilə yox olub. İnsanlar rublun sabitləşməsi üçün hökumətin hər hansı tədbir görmək iqtidarında olduğuna inanmır".