Ana səhifə Planet |
Medevedyevin Kudrinlə əvəz olunması heç nəyi dəyişməyəcək.
Axar.az xəbər verir ki, bunu rusiyalı müxalifətçi Boris Nemtsov söyləyib.
O, Putinin hakimiyyətdə olduqca heç bir şeyin dəyişməyəcəyini bildirib:
"Xalq Medvedyevlə Nabiullinin istefasından danışır. Tutaq ki, Putin onları istefaya göndərəcək. Bəs sonra nə olacaq? Nə dəyişəcək? Ölkədəki siyasəti hökumət və Mərkəzi Bank müəyyən etmir. Çünki onlar Putinin iradəsinin icraçılarıdır. Putin nə desə, onlar da onu etməyə məcburdurlar. Maliyyə sisteminin cari süqutu neftin qiymətinin aşağı düşməsindən daha çox, siyasi səbəblərlə əlaqədar olduğu heç kimə sirr deyil. Rusiyadakı maliyyə böhranı birbaşa Putinin aqressiv siyasəti, Ukrayna ilə müharibənin, Krımın işğalının və ən sonda sanksiyaların nəticəsidir. Bəs Putin səhvlərini düzəltməyə hazırdırmı? Təbii ki, yox. Çünki o, bu yaxınlarda heç bir səhv etmədiyini söyləyib. Ona görə də Medevedyevin Kudrinlə əvəz olunması heç nəyi dəyişməyəcək. Putin hakimiyyətin başında olduqca, heç nə dəyişən deyil".
Tarix
2014.12.18 / 15:14
|
Müəllif
Ülkər Cəfərova
|