Ana səhifə Toplum |
İcbari Sığorta Bürosu ilə "Audatex" şirkəti və onu Fransada təmsil edən "Sidexa" şirkəti arasında "Birgə fəaliyyət haqqında" müqavilə imzalanıb.
Bürodan Axar.az-a verilən məlumata görə, müqavilə artıq "Sidexa" şirkətinin ali idarəedici orqanı tərəfindən təsdiq olunub.
Həmin müqaviləyə əsasən növbəti ay ərzində "Solera Azərbaycan" şirkətinin yaradılması nəzərdə tutulur. Hazırda bu istiqamətdə, həmçinin, "Audatex" şirkətinin təklif etdiyi proqram təminatlarının və məlumat bazasının Azərbaycan sığorta bazarına uyğunlaşdırılması və bazara təqdim edilməsi ilə əlaqədar şirkət tərəfindən lazımı işlər həyata keçirilir.
"Solera Azərbaycan" şirkətinin 2015-ci ilin iyulundan fəaliyyətə başlaması planlaşdırılır.
Qeyd edək ki, "Audatex" şirkəti dünyanın bir çox ölkəsində xidmət göstərir. Zərərlərin qiymətləndirilməsi üzrə sahənin inkişaf etdirilməsi, beynəlxalq praktikaya uyğunlaşdırılması və digər sahələrdə xüsusi təcrübəyə sahibdir.
Tarix
2014.12.19 / 16:56
|
Müəllif
İlham Sahiloğlu
|