"2010-cu ildən etibarən Azərbaycanda neft hasilatının azalmasına şahidlik etməyə başladıq".

Axar.az xəbər verir ki, bu fikir OPEC-in 2014-cü il üçün açıqladığı hesabatda əksini tapıb.

Qurum Azərbaycanda neft hasilatının getdikcə daha da azalacağını açıqlayıb:

"2010-cu ildə Azərbaycan hər gün 1,07 milyon barrel neft hasil edirdi, amma sonra istehsalda azalma müşahidə etdik. 2011-ci ildə bu rəqəm günə 0,95 milyon barrelə, 2012-ci ildə 0,90 milyon barrelə və nəhayət 2014-cü ildə 0,87 milyon barrelə düşüb".

Qurum hesabatında 2018-ci il üçün Azərbaycanla bağlı proqnozlarını da açıqlayıb:

"Şahdəniz" layihəsinin ikinci mərhələsi də gecikib və son tarix 2018-ci il göstərilib. Amma bundan sonra da gecikmələr mümkündür. 2019-cu il üçün Azərbaycanda neft hasilatının günə 0,8 milyon barrel olacağını ehtimal edirik".