"SSRİ-nin məhvi heç kimə heç nə öyrətmədi".

Axar.az xəbər verir ki, bu açıqlama ilə rusiyalı politoloq Qriqori Trofimçuk öz Feysbuk səhifəsində çıxış edib. O, rusların yenə də hər şeyin nəzarət altında olduğuna inandığını bildirib:

"Sovet İttifaqı təbəqələşəndə çoxlarına elə gəlirdi ki, hər şey nəzarət altındadır və ən pis addım heç vaxt atıla bilməz. SSRİ-nin məhvi heç kimə heç nə öyrətmədi. Ona görə də ruslar indi də eyni sxem üzrə hər şeyin nəzarət altında olduğunu düşünürlər. Amma göz, şüur, beyin hər şeyin tamam başqa cür olması ilə bağlı siqnal verir. Lakin təbii güc olan müdafiə qabilliyəti aradan qaldırılıb. Ona görə tarix heç kimə heç vaxt heç nəyi öyrətmir. Hətta sizin hər şeyi öz gözünüzlə görməyinizin də faydası olmur".