Ana səhifə İdman |
Məşhur basketbolçu Maykl Cordana məxsus idman ayaqqabısı Nyu Yorkda keçirilmiş hərracda 33 min 400 dollara satılıb.
Axar.az İTAR-TASS-a istinadən bildirir ki, bu haqda məlumatı idman mallarının hərracı ilə məşğul olan "Qrey Flannel Aukşn" təşkilatı yayıb.
Cordan "Konvers" firmasına məxsus ayaqqabıları hələ 1981-1982 -ci illərdə Şimali Karolina Universitetinin birinci kurs tələbəsi olarkən alıb.
Daha sonralar ayaqqabıları adı açıqlanmayan tələbə yoldaşına hədiyyə edib. Məhz həmin tələbə yoldaşı bu ayaqqabıları hərraca çıxarıb və hərracda naməlum şəxsə satıb.
Xatırladaq ki, Cordan karyerası boyunca "Çikaqo Bulls" komandasının tərkibində 6 dəfə çempion olub.
Amerika Milli Basketbol Federasiyası (NBA) tərəfindən bütün zamanların ən yaxşı basketbolçusu kimi tanınır.
Tarix
2014.12.20 / 02:17
|
Müəllif
İsmi Şahzadə
|