Ana səhifə Avto |
Bu ilin əvvəlində avtokreditlərin dayandırılması bazara ciddi şəkildə təsir etdi. Avtomobil satışında baş verən geriləmə avtosalon sahiblərinin də bazarda öz yerlərini qorumasını çətinləşdirdi.
Avtomobil bazarında olan hazırkı durumu öyrənmək üçün Axar.az olaraq "Maşın Evi" adı altında fəaliyyət göstərən avtosalona yollandıq.
5 aydı satış yoxdur
Salonun sahibi deyir ki, satış çox zəifdir.
- 5 aydır demək olar ki, satışımız yoxdur. Ancaq Yeni il ərəfəsi
olduğuna görə qarşıdakı günlərdə irəliləyiş gözlənilir.
Bizim salonda həm yeni, həm də ikinci əl avtomobillər satılır.
Kredit isə yalnız yeni avtomobillərə verilir. Bu da köhnə maşınlara
ciddi şəkildə təsir eləyib. Bütün maşınlar qalıb əlimizdə, sata
bilmirik.
Salonun ən bahalı avtomobili
Öyrənirik ki, avtosalonun ən bahalı maşını 2014-ci il buraxılışı
"Mersedes S63" modelidir. Qiyməti 325.000 ABŞ dollarıdır. Sahibkar
bu maşının da satılmamasından gileylidir:
- Maşın 4 ay əvvəl salona necə gətirilibsə, eləcə də qalıb. Bu tip maşınlarımız var. Məsələn, 2011-ci il buraxılışlı, cəmi 6 min gedişi olan "Mersedes CL 6.5" var, 130 min dollara satışa qoymuşuq. Onu da sata bilmirik.
Kredit şərtlərinə görə, müştəri avtomobilin 40-50 faizini əvvəlcədən ödəməlidir. Belə çıxır ki, "Mersedes S63"ün ilkin ödənişi təxminən 150 min dollar, üstəlik 20 min də bank, sığorta və s. xərci. Aylıq ödəniş isə təxminən 10.000-12.000 dollar arası dəyişəcək. Məsələyə bir az real baxaq: 170 min pulu olan alıcı niyə bu avtomobili kreditə götürsün?
Əvvəl isə belə deyildi. Bu qiymət civarında olan avtomobili alıcı 50 min dollara rahatlıqla ala bilərdi.
Tarix
2014.12.20 / 23:50
|
Müəllif
Natiq Azəri
|