Dekabrın 21-də "ərəb baharı"nın başlanğıc nöqtəsi olan Tunisdə prezident seçkilərinin ikinci turu keçirilib.

Axar.az xəbər verir ki, gərgin keçən seçkilərin ilk turunda Nida Tunis Partiyasının lideri Baci Sibsi 39,4, indiki prezident Münsif Merzuki isə 33,4 faiz səs almışdı.

Seçkilərdən sonra Sibsi dövlət televiziyasında etdiyi çıxışında hazırkı prezidentə koalision hökumət yaratmağı təklif edib: "Seçki kampaniyalarında baş verənlər geridə qaldı və istər məni, istərsə Merzukini dəstəkləyən hər kəsə təşəkkürümü bildirirəm. Merzukini buradan salamlayıram: hər nə qədər aramızda fikir ayrılığı olsa da, gec-tez birlikdə işləməyə məcburuq".

Seçkilərdən sonra hər iki namizədin mətbuat xidmətləri qalib gəldiklərini elan ediblər. Lakin nəzərlər Tunis Seçki Komissiyasına yönəlib və rəsmi nəticələr sabah elan ediləcək.