Ana səhifə Planet |
İŞİD terror təşkilatı İraqın ən böyük neftayırma zavodunun yerləşdiyi Səlahəddin vilayətinə daxil olan Bəyçi mahalının idarəsini ələ keçirdiyini bəyan edib.
Axar.az xəbər verir ki, noyabrın 19-da İraq Müdafiə Nazirliyi mahalın İŞİD-dən tamamilə alındığını bildirimişdi. Lakin İŞİD bu gün sosial şəbəkələrdə paylaşdığı fotolarda hökumətə bağlı qüvvələrin nəzarətində olan Fəttah məscidi və ətrafındakı təhlükəsizlik məntəqələrinin şiddətli qarşıdurmalardan sonra onların əlinə keçdiyini açıqlayıb.
Paylaşılan fotolar arasında İŞİD hücumları nəticəsində bölgədən qaçan İraq təhlükəsizlik qüvvələrinə aid ABŞ istehsalı olan "Abrams" tankı və çoxlu zirehli avtomobilin yaraqlılar tərəfindən partladılması, ölən İraq əsgərlərinin cəsədləri ilə ələ keçirilən İran istehsalı hərbi sursat şəkilləri da var.
Qeyd edək ki, İraq rəsmiləri Bəyçinin təkcə 2 bölgəsinin İŞİD-in əlində olduğunu bildirilib.
Tarix
2014.12.22 / 11:17
|
Müəllif
Nilufər Muğantürk
|