Ana səhifə Toplum |
"Bu bir mesaj, Allahın insanlara xəbərdarlığı ola bilər.
Allah o ruhun görünməsinə ona görə imkan verib ki, insanlara görk
olsun".
Bu sözləri Axar.az-a tanınmış astroloq Firudin Qurbansoy dünən gecə
Bakının Ramana qəsəbəsində Yusifzadələr ailəsində ruh
görüntülənməsi ilə bağlı xəbərə münasibət bildirərkən deyib.
F.Qurbansoy bildirib ki, fotonu görməyib, amma ruhun kameraya
düşməsi mümkündür:
"Əgər bu varsa, mövcuddursa, deməli, kameraya da düşə bilər. Allah
istəsə, bu ruh görünə də bilər. Əlbəttə, adi gözlə biz ruhu görə
bilmərik. Ancaq texnika adi gözlə görə bilmədiyimiz bir çox şeyi
görməyimizə imkan verir. Təəssüf, bu gün elm ruh haqqında çox az
məlumata sahibdir.
İndi insanlar o qədər maddiləşiblər ki, ruhaniyyət yaddan çıxıb.
Bəlkə də bu bir mesajdır, Allahın insanara xəbərdarlığıdır. Allah o
ruhun görünməsinə ona görə imkan verib ki, insanlara görk
olsun".
Tanınmış ilahiyyatçı Elşad Mahmudov isə kameraya düşən görüntünün
həqiqətən ruh olub-olmadığını ilahiyyatçıların deyil, kamera
mütəxəssislərinin araşdırmalı olduğunu bildirib:
"Telefonun fotokamerasına ruhun düşməsinə ilahiyyatçılardan daha
çox, kamera mütəxəssisləri aydınlıq gətirə bilər. İnsanın fiziki
olaraq bədəndən və ruhdan ibarət olduğunu hamımız bilirik. İslama
görə, ruh var. Onun varlığına şübhəmiz yoxdur və inkar edə
bilmərik. Ümumiyytlə, ruhun gözə görünmədiyi bilinir. Bu gün
texnika və texnologiyanın inkişafı bizə adi gözlə görə bilmədiyimiz
maddə və ya cismləri görməyə imkan yaradır. Ruhun kameraya düşməsi
də belə bir şeydir. Bu səbəbdən bununla bağlı bir söz deyə
bilmərəm. Yəni bunu texnika mütəxəssisləri müəyyən edə bilər ki,
fotoya hansısa müdaxilə edilib, yaxud real görüntüdür. Ola bilər
ki, bu, fotokameranın özündən asılı olsun. Ancaq bir daha deyirəm
ki, bunu texnika mütəxəssisləri daha yaxşı izah edə bilər".
Axar.az-ın texniki mütəxəsisləri də bu fotonun reallığı əks
etdirdiyinə ciddi şübhə edirlər. Onların fikrincə, hazırda yeni
mobil telefonların funksiyaları belə effektləri yaratmağa imkan
verir.
Əməkdaşımızın sözlərinin təsdiqi kimi yeni model mobil telefonun
imkanları hesabına hazırladığı fotonu da müqayisə üçün təqdim
edirik. Bu dəlil yayılan foto-görüntünün reallığı əks etdirməsinə
ciddi şübhə yaratsa da, bu, ruhun mövcudluğunu və hətta gözə
görünməsinin mümkünlüyünü qətiyyən təkzibləmir.
Qeyd edək ki, ailənin fotoya inanmasını və narahatlıq yaşamasını
şərtləndirən səbəb şəkili azyaşlı uşağın çəkməsidir.
Mütəxəsisin ehtimalına görə isə ailənin azyaşlı övladı özü də
bilmədən telefonun bu effektindən istifadə edə bilərdi.
Xatırladaq ki, dünən gecə saatlarında Ramana qəsəbəsində
Yusifzadələr ailəsində telefonun yaddaşına "ruh" köçüb. Görüntü
ailədə ciddi narahatlıq yaradıb.
Tarix
2015.01.24 / 21:24
|
Müəllif
Nigar İxtiyarqızı
|