Ana səhifə Planet |
Rusiyanın "Rabitə" bankı bütün filallarını bağlamaq qərarına gəlib.
Axar.az xəbər verir ki, bu barədə bankın idarə heyətinin sədri Yevgeni Davidoviç məlumat verib:
"Biz filallara ödəniş etməyi dayandıracağıq. Bütün işçi heyətinə bu qərar aiddir. Bunu daha əvvəl də edə bilərdik. Bundan sonra hesablara ödəniş, kreditlərin ödənilməsi, kartların hazırlanması distans bank xidmətinin sistemi vasitəsilə həll ediləcək. Hesablar üzrə çıxarış, sənədlərin verilməsi elektron poçt vasitəsi ilə həyata keçiriləcək".
Xatırladaq ki, filialların bağlanması barədə qərar 16 yanvarda elan edilmişdi, ancaq hansı bölmələrin bağlanması müəyyənləşdirilməmişdi. Bundan əlavə, bankın kredit bölməsi də 5 günlük iş rejiminə keçəcək. Əvvəllər iş rejimi həftədə 6 gün idi.
Qeyd edək ki, ötən ilin 12 noyabrında "Oneksim" qrupunun rəhbəri Mixail Proxorov bankın 90 faiz səhmini satın alıb. "Rabitə" bankı Rusiyadakı Top-100 bank arasında önəmli yer tutur.
Tarix
2015.01.28 / 00:01
|
Müəllif
Pərviz Həsənov
|