Ana səhifə Kult |
ABŞ-da çap olunan və kino dünyasının ən məşhur jurnallarından biri hesab edilən "Variety" türkiyəli rejissor Nuri Bilgə Ceylanın "Qış yuxusu" filmini 2014-cü ilin ən yaxşı 10 filmi arasında göstərib.
Axar.az xəbər verir ki, "Variety" jurnalı dünyaca məşhur üç tənqidçidən 2014-cü ilin ən yaxşı 10 filmini müəyyən etməyi istəyib. Tənqidçilər hazırladıqları üç ayrı siyahıda ortaq filmlər olduğunun fərqinə varıblar. "Qış yuxusu" da jurnalın üç tənqidçisinin ikisinin siyahısında ən yaxşı film kimi yer alıb.
"Variety" jurnalı çox tələbkar və hər filmi bəyənməyən tənqidçilərinin yüzlərlə film arasında bənzər filmləri seçmələrinin asan, boşuna olmadığını yazıb. Tənqdiçilərdən biri "Qış yuxusu"nun Anton Çexov və İnqmar Berqmandan izlər daşıdığını yazıb. Digər tənqidçi isə sözlərində Ceylanın "Qış yuxusu" filminin tamaşaçını ayrılmaq istəmədiyi dünyaya saldığını bildirib.
Tarix
2015.01.28 / 02:05
|
Müəllif
Nilufər Muğantürk
|