Ana səhifə Toplum |
08:00
Bakı Beynəlxalq Avtovağzalının giriş hissəsi bir müddətə bağlana bilər.
Axar.az xəbər verir ki, yaxın günlərdə metronun "Avtovağzal" stansiyasının açılışı ilə əlaqədar ətraf ərazilərdə aparılan abadlıq-quruculuq işləri genişlənib.
Əməkdaşımızın verdiyi məlumata görə, beynəlxalq avtovağzalın ətrafında artıq müasir işıq dirəkləri quraşdırılıb. Lakin avtovağzalın giriş hissəsində asfalt örtüyünün dağılması gediş-gəlişə mane olur. Məhz bu səbəbdən yaxın günlərdə sözügedən ərazidə asfalt örtüyünün yenilənməsinə başlanılacaq.
11:20
Bakı Beynəlxalq Avtovağzalın mətbuat xidmətindən Axar.az-a bildirildi ki, metronun "Avtovağzal" stansiyasının açılışı ilə əlaqədar ətraf ərazilərdə aparılan abadlıq işləri avtovağzalın fəaliyyətinə mane olmayacaq:
"Avtovağzalın giriş hissəsinin bir müddətə bağlanacağı məsələsinə gəlincə, bu da sərnişinlər üçün heç bir problem yaratmayacaq. Avtovağzalın bir neçə girişi var. Yeni metro-stansiyasının tikildiyi ərazi bir girişdədir. O, bağlı olsa da, digər girişlər həmişəki kimi açıq olacaq və avtobusların fəaliyyətində də heç bir dəyişiklik olmayacaq".
Tarix
2015.01.28 / 11:20
|
Müəllif
Təranə Səfərova
|