Bu gecə iki ev yanıb.

Axar.az FHN-nin rəsmi saytına istinadən xəbər verir ki, Şəki rayonunun Baş Göynük kəndində (rayon mərkəzindən 25 km aralı) vətəndaşa məxsus ümumi sahəsi 63 kv.m olan 3 otaqlı evin 2 otağının yanar konstruksiyaları 35 kv.m sahədə və ev əşyaları yanıb. Evin qalan hissəsi yanğından mühafizə olunub.

Yanğın saat 07:00-da yanğınsöndürənlər tərəfindən söndürülüb.

Daha bir yanğın hadisəsi Oğuz rayonunun Kərimli kəndində baş verib. Vətəndaşa məxsus ümumi sahəsi 150 kv.m olan kürsülü, birmərtəbəli 5 otaqlı evin bir otaq, mətbəxinin yanar konstruksiyaları 50 kv.m sahədə və ev əşyaları qismən yanıb. Evin qalan hissəsi yanğından mühafizə olunub.

Yanğın saat 01:19-də yanğınsöndürənlər tərəfindən söndürülüb.