"Suriyada döyüşən çeçenlər ailələrinin köməyi ilə ölkəyə gətirilərək hüquq-mühafizə orqanlarına təslim edilməlidir".

Axar.az xəbər verir ki, bu açıqlama ilə Çeçenistan Prezidenti Ramzan Kadırov çıxış edib. O, radikal qüvvələrin ölkədə aktivləşməsinə icazə verməyəcəklərini bildirib:

"Suriyada döyüşən çeçenlər ailələrinin köməyi ilə ölkəyə gətirilib, hüquq-mühafizə orqanlarına təslim edilməlidir. Onların ölkəyə sərbəst girişinə icazə verilməyəcək. MKİ tərəfindən təşkil edilən döyüşdə iştirak edənlərə ehtiyacımız yoxdur. Xalqımız vaxtında onlara görə çox əziyyət çəkib. Bunun təkrar baş verməsinə imkan verməyəcəyik".