Ana səhifə Planet |
Separatçılar və rus hərbçiləri Debaltsevo rayonu ətrafına canlı qüvvə və hərbi texnika yığmaqda davam edir.
Axar.az xəbər verir ki, bu barədə "İnformasiya Müqaviməti" qrupunun rəhbəri Dmitri Tımçuk məlumat verib.
"Bizdə olan məlumatlara görə, hazırda müxtəlif rayonlarda 5 taktiki batalyon qrupu (onlardan biri Rusiya Hava-Desant Qoşunlarının hərbi qüvvələridir - Tımçuk), o cümlədən 3 artilleriya qrupu döyüşlər aparır", - ekspert yazıb.
Onun sözlərinə görə, Debaltsevo rayonu ətrafına 2500 canlı qüvvə, 35-ə qədər tank, 50 zirehli döyüş maşını, 50-yə qədər özüyeriyən artilleriya qurğuları və 22 reaktiv yaylım atəş sistemləri gətirilib.
"Debaltsevoya uğursuz hücumdan sonra düşmən öz mövqelərinə çəkilib və döyüş qabiliyyətini bərpa edir. Staxanov rayonuna çoxlu sayda hərbi qüvvə gətirilir", - Tımçuk bildirib.
Tarix
2015.01.28 / 11:15
|
Müəllif
Anar Əhmədov
|