Ana səhifə Toplum |
Şəkidə üç uşağını götürüb Suriyaya gedən anadan xəbər var.
Axar.az-a verilən məlumata görə, rayonun Daşüz kənd sakini
Elnurə Məmmədova "İslam dövləti"nə qoşulmaq üçün Türkiyədən bu
ölkənin sərhədini keçib.
Rayondan gələn məlumatda deyilir ki, E.Məmmədova anası, bacısı və
onun həyat yoldaşı ilə birlikdə Suriyaya yola düşüb. Türkiyə hüquq
mühafizə orqanlarına bu ailənin axtarışı üçün məlumat verilsə də,
artıq gec olub. Uşaqları ilə birlikdə artıq Suriyada olan gəlinin
qardaşları də bir neçə ildir ki, orada
döyüşür.
Gəlin anası Qəribə Şabanova, bacısı Bahar Alxasova və yeznəsi Daşqın Alxasovla birlikdə gedib. Qeyd edək ki, E.Məmmədovanın əri İbrahim Məmmədov hüquq-mühafizə orqanlarına müraciət edib. Onun övladları - 12 yaşlı Ülkər, 13 yaşlı Rüstəm və 15 yaşlı Günay Suriyadadır. Yetkinlik yaşına çatmayan uşaqların sərhədi keçməsi üçün atanın adından saxta etibarnamə düzəldildiyi də iddialar sırasındadır.
Tarix
2015.01.28 / 17:21
|
Müəllif
Emin Aslanlı
|