Ana səhifə Planet |
ABŞ Senatının bəzi demokrat nümayəndələri Obamaya göndərdikləri məktubda Konqresdə İrana qarşı sanksiyaları ehtiva edən qanun layihəsinə martın 24-dək səs verməyəcəklərini bildiriblər.
Axar.az xəbər verir ki, senatorlar məktubda İran ilə müzakirələrə ciddi xələl gətirəcək sanksiya paketinin indiki halda qəbul olunmasını mümkünsüz hesab edib.
Məktubu Senatın Xarici Əlaqələr Komitəsinin sədri demokrat Robert Menendez və partiyanın 9 digər üzvü yazıb.
İran ilə müzakirələrdə diplomatik danışıqların uğurlu olacağına ümid etdiklərini bildirən senat üzvləri Obamanın liderliyi ilə problemlərin sülh yolu ilə yekunlaşacağına inandıqlarını qeyd edib. Bundan başqa, senatorlar İranın götürdüyü öhdəliklərə riayət edəcəyinə "dərin şübhələri"nin olduğunu da gizlətməyiblər:
"Hazırda Konqresin bu qanuni tənzimləməsi ilə bağlı qayğılarınızı dilə gətirərək bu layihənin Konqresin ümumi səsverməsində qəbul etməyəcəyik. Yalnız martın 24-dən sonra İranla danışıqlar nəticəsiz qalarsa, o zaman qanun layihəsi təsdiq edilə bilər".
Tarix
2015.01.28 / 20:41
|
Müəllif
Şəmsəddin Ənsar
|