Rusiyanın paytaxtı Moskvada Suriya müxalifətinin və hökumətin iştirakı ilə keçirilən görüşdə dialoqun davam etdirilməsi qərara alınıb.

Axar.az xəbər verir ki, Fevral partiyasının baş katibi Souheir Sarmini verdiyi açıqlamada Rusiyanın Xarici İşlər naziri Sergey Lavrovla danışıqlarda Suriya böhranının həlli çərçivəsində bir çox mövzu üzərində razılaşdıqlarını açıqlayıb:

"Bu gün hökumət nümayəndələri ilə aparılan danışıqlar son olmayacaq. Suriyalılar arasında dialoqun təmin edilməsi üçün önümüzdəki aylarda bir sıra görüşlər keçiriləcək. Bu yığıncaqlar davam edə bilər. Razılaşdığımız mövzular var".

Müzakirələrdə ən çox terrora qarşı mübarizə mövzusunda danışdıqlarını deyən Sarmini bəzi məhbusların sərbəst buraxılması üçün hökumətə təkliflər verdiklərini deyib.