Ana səhifə Planet |
Yanvarın 30-da İrəvanda "Sinema Star" kinoteatrında "Çapıq" filminin qapalı baxışı keçiriləcək.
Axar.az xəbər verir ki, filmin baxışı KİV nümayəndələri üçün nəzərdə tutulub. Filmin müəllifi Almaniyada yaşayan türk rejissor, Venesiansk festivalı laureatı Fatih Akındır. Filmin baxışından sonra Fatih Akın, ssenarinin həmmüəllifi Martik Mardın, aktrisa Arevik Martirosyan, filmin prodüserləri Ruben Dişdişyan və Aram Movsesyanın iştirakı ilə mətbuat konfransı keçiriləcək.
"Çapıq" filmi 1915-ci ildə qondarma erməni soyqırımından bəhs edir. Filmin qəhrəmanı Nazaret Manukyan ailəsini itirir, bir neçə il sonra isə məlum olur ki, onun əkiz qızları xilas ola biliblər. Ata onları axtarmağa yollanır...
Filmin büdcəsi 15,5 milyon avrodur. Filmin çəkilişləri 2013-cü ilin martında başlayıb. Şəklişlər İordaniya, Almaniya, Kuba və Maltada aparılıb. Filmə maliyyə dəstəyini erməni genosidinin 100 illiyinə həsr edilmiş tədbirlərin koordinasiyası üzrə dövlət komissiyası göstərib.
"Çapıq" filmi rejissorun ilk beynəlxalq layihəsidir. Filmin yaradılmasında 7 ölkə - Almaniya, Fransa, İtaliya, Kanada, Polşa, Türkiyə və Rusiya iştirak edib.
Tarix
2015.01.29 / 01:18
|
Müəllif
Axar.az
|