Paytaxt Tehranda keçiriləcək Asiya Kişi Voleybol Çempionatı ilə bağlı İran tərəfi gözlənilməz qərar verib.

Axar.az Türkiyə mətbuatına istinadən xəbər verir ki, İranda təşkil ediləcək kişilərarası voleybol çempionatını xarici qadınların tribunadan izləməsinə icazə verilib.

İran Voleybol Federasiyasının rəhbəri Mahmud Afşardost iyun-avqust aylarında keçiriləcək və İranın ev sahibliyi edəcəyi Asiya Kişi Voleybol Çempionatını xarici qadınların tribunadan izləməsində heç bir problem olmadığını bildirib.

Qeyd edək ki, İranda kişilərin iştirakı ilə keçirilən oyunları qadınların tribunadan izləməsi qadağandır.