Ana səhifə Gündəm |
"Ermənilər hər il qondarma soyqırımı dünyada tanıtmaq üçün ciddi lobbiçilik hərəkatı aparırlar".
Bu sözləri Axar.az-a açıqlamasında politoloq Ruslan İzzətli deyib.
O bildirib ki, ermənilər bu il də qondarma soyqırımın 100 illiyi ilə bağlı çox ciddi hazırlıq görürlər:
"Bildiyimiz kimi, Obama Çanaqqala savaşının 100 illiyi ilə bağlı Türkiyəyə, eyni zamanda qondarma soyqırımla bağlı Ermənistana dəvət alıb. Düzdür, Amerikada hazırda çoxlu erməni lobbisi fəaliyyət göstərir. Ancaq Obama Yaxın Şərq layihəsini və Türkiyənin regiondakı rolunu görməzlikdən gəlməyəcək. Çünki keçən il qondarma soyqırımın ildönümündə soyqırımla bağlı hər kəsin qulağı Obamanın nitqində idi. İndi də inanmıram ki, ABŞ kimi güclü bir siyasi reallığa malik bir ölkə Türkiyə kimi müttəfiqini itirmək istəsin. Ola bilər ki, Obama Ermənistana hər hansı səfər etsin. Ancaq sözügedən məsələ ilə bağlı Obamanın Ermənistana səfəri reallaşmayacaq. Çünki Ankara Vaşinqtonla hərbi, iqtisadi sahədə və Yaxın Şərqdə bir çox sahələrdə müttəfiqlik aparır. Bu baxımdan da ABŞ bu müttəfiqliyə zərər verəcək addım atmayacaq. Obama soyqırım məsələsinin türklər üçün nə qədər həssas bir mövzu olduğunu çox yaxşı bilir".
Tarix
2015.01.29 / 20:18
|
Müəllif
Aygün Yusibova
|