2015-01-30. 21:01

Donetsk vilayətinin Uqleqorsk şəhərində Anti-terror Mərkəzi qüvvələri ilə rus-terrorçu ordu arasında müharibə bu saatlarda davam edir.

Axar.az UNİAN-a istinadla xəbər verir ki, bu barədə məlumatı Analitik-informasiya Mərkəzinin sədr müavini Vladimir Polevoy Kiyevdə keçirdiyi brifinqdə deyib. Onun sözlərinə görə, rus-terrorçu ordu ATO-nun blokpostlarına hücum edir:

"Düşmən artelleriyasını susdurmaq üçün Ukrayna Silahlı Qüvvələri əks-həmlə edir. Düşmən qüvvələri daim manevr etdikləri üçün onları zərərsizləşdirmək çətinlik yaradır".

Məlumatda vurğulanır ki, Uqleqorsk şəhəri silahlıların nəzarətində deyil, şəhər uğrunda döyüşlər gedir. Ukrayna ordusu üçün ora hərbi sursat göndərilib.

İki gündür davam edən Debalsevoda da döyüşlərin getdiyinə diqqət çəkən Polevoy şəhərin Ukrayna ordusunun nəzarətində olduğunu bildirib. O qeyd edib ki, düşmənin Ukrayna ordusunun ciddi itki verdiyi barədə xəbərlərinin heç bir əsası yoxdur.

***

Donetskin Uqleqorsk şəhərində savaş davam edir.

Anti-terror Mərkəzinin (ATM) yaydığı məlumata görə, separatçılar hazırda şəhərin bir neçə rayonuna nəzarəti ələ keçirib.

"Uqleqorskda vəziyyət ağır olaraq qalır. Rus-terrorçular mülki əhalinin həyatını təhlükə altına qoyaraq, ATM mövqelərini aramsız atəşə tutmaqdadırlar", - ATM-dən bildirilib.

ATM həmçinin şəhərin silahlılar tərəfindən tam ələ keçirilməsi barədə məlumatı təkzib edib: "Düşmən yalnız şəhərin bir neçə rayonuna nəzarəti ələ keçiriblər".

Rəsmi açıqlamada həmçinin bildirilir ki, terrorçulara ağır zərbə vurulub: "Bu gün rus-terrorçular 30 itki verib, 69 yaralıları var. Həmçinin 11 hərbi maşın və tank məhv edilib".

Hazırda yaşayış sahələrində döyüşlər getdiyi təsdiqlənib.