Türkiyənin Quru Qoşunlarının komandiri Hulusi Akarın ABŞ səfəri sırasında amerikalı generaldan ləyaqət nişanını qəbul etməsi ölkədə mübahisələrə səbəb olub.

Axar.az xəbər verir ki, mübahisələrin yaranmasına səbəb isə Hulusi Akara ləyaqət nişanını 2003-cü ildə 11 türk əsgərinin başına torba keçirilməsini əmr edən ABŞ Quru Qoşunlarının komandiri general Raymond Odiernonun təqdim etməsi olub.

Türkiyənin hərbi qaynaqları bu hadisəni "acı təsadüf" adlandırıb.

Qeyd edək ki, 4 iyul 2003-cü ildə İraqın Süleymaniyyə şəhərində ABŞ ordusunun əsgərləri 11 türk hərbçisinin başına torba keçirərək, 60 saat saxladıqdan sonra buraxmışdılar.