"Yeşilçam"ın məşhur simalarından olan Hakkı Kıvanç dünyasını dəyişib.

Axar.az-ın verdiyi xəbərə görə, bu barədə müğənni Onur Akay sosial şəbəkədə məlumat yayıb:

"Bir müddətdir mədə xərçəngi ilə mübarizə aparan və demək olar ki, "Yeşilçam"ın bütün filmlərində gördüyümüz əməkdar aktyor Hakkı Kıvancı itirdik. Cənazə mərasimi bu gün zöhr namazından sonra Bəyoğlu "Ağa" məscidində olacaq. Sevənlərinə və ailəsinə başsağlığı verirəm".

Xatırladaq ki, Hakkı Kıvanç 18 iyul 1931-ci ildə Türkiyənin Adana şəhərində dünyaya gəlib. 1955-ci ildə "Qızımla bərabər" filmində epizodik rolla kino həyatına başlayıb. "Yeşilçam" filmlərinin ən populyar köməkçi aktyorlarından biri olub. Xüsusilə Ayhan İşık, Yılmaz Güney, Cüneyd Arkın, Kamal Sunal kimi usta aktyorlarla eyni filmlərdə çəkilib.