Ana səhifə Planet |
Dərbəndin sabiq meri Qurban Qurbanov biznesinin başına qayıdıb.
Axar.az-ın xəbərinə görə, keçmiş icra başçısı vəzifəsindən kənarlaşdırıldıqdan sonra sahibi olduğu müəssisələrin fəaliyyətinə vaxt ayırır.
Bildirilir ki, onun ictimai-siyasi fəaliyyətini davam etdirmək planı yoxdur. Q.Qurbanov bir müddət fasilə götürüb və Dağıstan Prezidenti Ramazan Abdulatipov hakimiyyətdə olduğu müddətdə heç bir prosesdə iştirak etmək istəmir. Buna səbəb onların arasındakı intriqadır. Bu düşmənçilik Qurbanovun həbsi ilə nəticələnmişdi.
Xatırladaq ki, 16 sentyabr 2014-cü il tarixində Qurbanov barəsində Rusiya Federasiyasının Cinayət Məcəlləsinin 286-cı maddəsinin 2-ci hissəsi ilə (vəzifə səlahiyyətlərinin aşılması) Rusiyanın Dağıstan üzrə İstintaq komitəsinin İstintaq İdarəsinin rəhbəri tərəfindən cinayət işi açılıb.
Nəticədə səlahiyyət müddətinin bitməməsinə baxmayaraq, istefaya göndərilməsinə cəhd edilən Q.Qurbanov həbsə məhkum olub. Sonra ev dustaqlığına buraxılıb.
Q.Qurbanov 1998-ci ildən bu rayona rəhbərlik edib. Ondan əvvəl atası təxminən 25 il Dərbəndin rəhbəri olub.
Tarix
2015.01.31 / 11:09
|
Müəllif
Emin Aslanlı
|