11:27

Bakı şəhərinin Səbail rayonunda PAŞA Bank-ın ofisi yanıb.

FHN-in mətbuat xidmətindən Axar.az-a veriləm məlumata əsasən, Səbail rayonunda ümumi sahəsi 2530 kv.m olan PAŞA Bank-ın ikimərtəbəli inzibati ofis binasının 1-ci mərtəbəsində 3 otağın tavanı 40 kv.m sahədə, 2-ci mərtəbəsində ümumi sahəsi 6 kv.m olan server otağnın tavanı və giriş-çıxış kabelləri 10 p.m yanıb. Binanın qalan hissəsi yanğından mühafizə olunub.

Yanğın saat 09:10-da yanğınsöndürənlər tərəfindən söndürülüb.

14:16

PAŞA Bankın Təhlükəsizlik Xidmətinin Direktoru Fuad Paşayev verdiyi açıqlamasında hazırda yanğına səbəb olan bütün detalların araşdırıldığını deyib.

"Yanğın bankın binasının texniki zonasına və qismən server otağının bir hissəsinə təsir edib. Bankın əməliyyatlarının normal rejimdə həyata keçirilməsində problem yaranmayıb", - Paşayev bildirib.