"Hazırda Yaxın Şərqdə baş verənlər, xüsusilə də Ərəb-İran qarşıdurması yeni mübarizə mühitinin formalaşdığından xəbər verir".

Axar.az xəbər verir ki, bu haqda politoloq Ərəstun Oruclu öz fikirlərini bölüşüb. O, baş qaldıran bu yeni savaşın əsas prioritetlərini bu cür izah edir:

"ABŞ son illər müstəqil siyasət yürütməyə cəhd edən Ərəbistan yarımadası ölkələrinin əvvəlki vəziyyətə qayıtması üçün onlara Yəməndə "İran dişinin" göstərilməsinə göz yumdu. Bu, hazırkı situasiyada yaranmış durumun ilk varinatı sırasındadır. İkincisi, İran Yəməndə təşəbbüs göstərmək istədiyindən ərəblər də buna qarşı birləşmək qərarına gəliblər. Və ən nəhayətində, Yaxın Şərq bölgəsində yaranmış geosiyasi boşluqlar yeni rəqabət mühiti formalaşdırır ki, bu rəqabətin də əsas istiqamətlərindən biri Ərəb-İran (başqa sözlər, sünni-şiə) qarşıdurması ola bilər. Qısası, Yaxın Şərq yeni rəqabət savaşının təsir dairəsindədir və çox güman ki, sözügedən proses hələ uzun müddət davam edə bilər".