Ana səhifə İdman |
"Qələbəyə görə hamımız sevinirik. Amma komandamızda problemlər var. Çatışmazlıqlardan biri odur ki, orta xətdə yaradıcılıq yoxdur. Dmitri Nazarov meydana çıxandan sonra oyunumuzda canlanma baş verdi. Sevindirici məqamlar da var. İlk növbədə onu qeyd etməliyəm ki, futbolçularımızda mehribanlıq artıb. Son illərdə bunu millidə görmək olmurdu. Mən işlədiyim dövrdə futbolçular çox mehriban idilər. Dünən də həmin istəyi gördüm. Məşqlərdə də çox həvəslə çalışırlar. Bu, vacib amildir".
Axar.az xəbər verir ki, bu sözləri Azərbaycanın əməkdar məşqçisi, AFFA-nın Məşqçilər Komitəsinin üzvü Ağasəlim Mircavadov qol.az-a geniş müsahibəsində deyib. Mircavadov qeyd edib ki, orta xətdə həm yaradıcı, həm də dağıdıcı futbolçular çıxış etməlidir:
"Bizdə isə ancaq dağıdıcı futbolçular var. Yaradıcı oyunu ilə seçilən futbolçular axtarmalıyıq. Dünənki oyunda hücumçumuz Vüqar Nadirov topsuz çox qaçdı. Hesablasaq, görərik ki, oyunda ən çox qaçanlardan biri Vüqardır. Ancaq ona ötürmə vermirdilər. Oyunumuzu inkişaf etdirməliyik. Belə oynasaq, bundan sonrakı bütün oyunlarımız ağır olacaq. Dünən rəqibin iki real qol imkanı oldu. Qapıçımızın qurtarışları olmasaydı, hesab tam fərqli ola bilərdi. Bu, yaxşı hal deyil".
Tarix
2015.03.30 / 00:58
|
Müəllif
Emin Aslanlı
|