Martın 28-də "Kitabevim.az" mağazasında şairə Feyziyyənin "Mesaj" kitabının imza günü baş tutub.

Axar.az xəbər verir ki, "Adiloğlu" nəşriyyatında çap olunan "Mesaj" xanım yazarın ilk kitabıdır. Kitabda Feyziyyənin şeirləri, esse və hekayələri toplanıb. Tədbir zamanı planlarından danışan şairə deyib:

"Hazırda "Mesaj" rus dilinə tərcümə edilir. Türkcə və ingiliscəyə tərcümə edilməsi üçün təkliflər almışam. Yaxın vaxtlarda bölgələrdə imza günləri təşkil olunacaq. Kitabın rus dilində nəşrindən sonra Rusiyada da təqdimat keçirməyi planlaşdırıram".

Xatırladaq ki, "Mesaj" kitabı "Azadlıq" radiosunun "Oxu zalının seçimi" seriyasından çap edilən ilk kitabdır.