Çexiya Prezidenti Miloş Zeman mayın 9-da Moskvada keçiriləcək Qələbə paradında iştirak edəcəyini təsdiqləyib.

Axar.az xəbər verir ki, bu barədə o, Fransanın "F1" radiosuna verdiyi açıqlamasında deyib.

"Mən Moskvaya minnətdarlıq üçün gedirəm. Ona görə ki, biz öz ölkəmizdə yaşaya bilirik, almanca danışmır, "Hayl Hitler" demirik. Sovet döyüşçüləri 1945-ci ildə Çexoslovakiyaya işğalçı kimi yox, xilaskar kimi gəlmişdilər", - Zeman bildirib.

Zemanın sözlərinə görə, Rusiya paytaxtına təkcə parada görə yox, həm də Çexoslovakiyanın azadlığı uğrunda həlak olan 150 min sovet döyüşçüsünün xatirəsini yad etmək üçün gedir.